咩人都有

今日突然想剪頭髮，可惜個星級髮型師成日唔得閒，我又忙起來，要不是下星期要對住啲「客」，可能再長啲先剪。話說這間星級Salon啲receptionist好唔點，我去咗差不多成六七年，十次有七次張單都串錯我個名，最煩還是拿起電話後個句: Good morningafternoonthankyouforcallingxxxxsaloni'mxxxxxhowmayihelp.......you?淨係聽到個you字。

巴士背脊永遠貼着補習社廣告，昨日看到現代教育的Stella，卓號「高清天后」，點X樣呀？真係想打去現代問吓點高清法，係唔係miss堂堂同我玩cam，超高清先？否則文法則不通，我又想問下英文係咪叫 Queen of HD?

其實好想走去X鳩個間橙色寵物店好耐，d sales零常識，起初我不知曉，俾你坤，今日行過故意入去，個白痴女sales (好似叫Cabia，or something like that)撩我講嘢，我話你介紹個隻糧有grains，我隻狗敏感，皮膚好差，洗咗我好多錢，跟住佢話：不如食三文魚薯仔，跟住擰咗包Regal的糧俾我，英文大大大大隻字寫住: BARLEY，我話依隻都有grains，佢扮疑惑仲話無理由，我心諗，X你，你識唔X識架，你害X死人。我決定打電話去總公司反映，這些毫無sense的sales必須趕盡殺絕。

夜晚放狗，出咗大閘後，見到架的士有兩個鬼婆落車，鬼婆A同我笑，我回笑，跟住走過對面街放尿，Bradley放尿中，鬼婆A用中文大嗌：靚仔，你個隻狗係唔係Corgi，我答(用英文)：Yes, it is。鬼婆A繼續：我個隻狗可以食咗你隻狗。我當堂呆咗，你講乜X嘢，飲醉酒呀？於是用Bradley過橋，我哋行啦，同人講bye bye啦。

事後經看更証實，鬼婆AB是清醒的，究竟佢原本想講什麽呢？

我個隻狗可以食咗你隻狗，咩X人都有。