一日一黑之治水記。今日突然之間收到電話，得知在番禺的家爆水管，水浸了，雙親已趕急回去視察災情，滔滔千里染番禺，保你大，啱啱先買咗SONY plasma，求神拜佛唔好壞。

今晚都OK crazy，鮮有地去了 Stella McCartney的派對，超熱，Grand Hyatt的 catering不行，但環境尚算新鮮，和友人飲香檳 (熱的)和吹吹水也挺可以。臨走還收了一份 Skin care 的 sounvenir，最適合我不過。可惜打的走時有名門插隊，我大喝，但他們聽不到。之後和Leon 及 Audrey去唱K，What a crazy night! 我生活得蠻開心呀！

近期最尊重的行業：New Face Sogo舊址的新商場楝了幾個着天使衫的女子截住你，要你拐一個彎方可離開，我稱之為 Blocking Angels。我相信她們下一份工可以到喜喜做 bouncers。

急凍冷知識：<溏心風暴>的英文叫 Heart of Greed。

今日去了黃大仙轉運，希望成功啦。求了兩支簽，又等了成粒鐘先輪到我和Leon解簽。前面有兩個鬼佬拖住個中國女子睇相。個鬼佬見到我哋行埋去張到，就用兩隻手指公指住自己，然後又指住解簽阿姐張枱，示意我們不能打尖。，勁rude，做乜遮，而家唔識英文咩？

工作為第四十一簽，上簽，古人張騫獲寶石。
浮槎月夜到天河
曾見仙姬織錦梭
石得支機人罕識
那知此實出雲窩

內容是指現在還是一舊雲，不知去向，農曆六七月七姐賜寶石後就有轉機，仲要係好到不得了。咁拜托哂啦，阿七姐。

感情為第二十二簽，下簽，古人王維別友。
秋水依人各一方
天南地北恨偏長
相思試問憑誰寄
不盡悽涼狂斷腸

內容是指今年姻緣得個吉 (又得個吉？)，來一個走一個，凡事強行則自己揸住兩碗眼淚收場，寄情於事業吧！

臨走前買了個風車，轉轉轉，轉個好運來，揸住個風車去溥儀睇個V&R眼鏡，個Sales勁大鼻，問四句先答一句，個眼鏡先至係二千幾蚊，乜好貴咩？當正自己係皇帝。