Bloody Sunday

原本今日有粥食，但最後粥舖無開門，個人已經火了一半。點知今日出街，寨主又發癲咁吠，仲唔覺意咬到我大脾，無名十級火，出街後諗住去Club Monaco睇少少嘢，但Times Square個間舖無入到依件貨，仲話唔同舖有唔同貨賣，我心諗都痴X線。

然後去咗屈臣氏買紗布同葯膏敷傷口，想入去廁所攪攪佢，但入到去先發現無較剪剪唔開個紗布，跟住又出番去借較剪，然後又入番去。

跟住係街撞到個friend，佢話我都係去睇醫生穩陣，於是我就求祈去揾個醫生睇，佢話要洗傷口及打破傷風針，跟住我問我張medical insurance卡包唔包，佢話未必，我心諗都白痴，洗傷口都會唔包？乜依家啲保險淨係包度高磅重探熱量血壓？然後個醫生要fax份文件上保險公司，跟住我就坐咗係個診所半粒鐘，一個月後打第二針，半年後第三針。好煩。

最唔開心就係被咬後想打個求救電話都唔知可以打俾邊個。

是夜晚餐無粥，得到了四寶拼牛肚河，加可樂，34蚊埋單。