關心‧費
前幾個月拎咗澳幣票去匯豐，個職員話要買票，收60蚊手續費，fine。今日叫阿媽再去幫我入第二張澳幣票，點知2月1号加咗價，要收100蚊，100蚊最低消費，實情要收支票銀碼嘅0.5%，銀行不嬲有佢講，無你講，現在不是人打劫銀行，係銀行打劫你。

當今日滙率為1對4.8，攞我100蚊，即係收咗6.9%手續費，比她口口聲聲的0.5%多了13.8倍。一向不明白手續費，行政費，年費，會費是什麽。

你幫我辦手續，做行政，不是你份內事嗎？我入了會，可能會多來幫襯，你不是受惠嗎？

我最欣賞caring的service。你只要令我覺得你細心，我便俾錢俾得爽，像在香港按摩一樣，你什麽料子你一起手五分鐘便知曉，反而臨走時千叮萬囑我要牌tips的話，我卻和你包拗頸，一個仙都唔俾，最多下次不來。

加洲紅又話收歌曲版權費，收每個人8-9蚊，五六年前唔見你收，反而現在由k net 手上買回環球所有K歌後就開始收，好明顯，我們是用來填氹的，難道十多年前唱黎姿的白恤衫是不用理會版權嗎？最可笑是版權費是海鮮價，晨早學生時段只收1蚊。所以我肯定很喜帖街在早上10點是不須太受人尊重的。

另外去中環吃熱狗，加relish要加5蚊，relish同hotdog是不可分割，正等如去爆房發現買套要另外加錢，無天理。

好怕去餐廳要俾錢開蒸餾水，水要人最基本的東西，幹嗎要俾錢買？Caring的service用錢買不到，但相反用錢有時反而可以買care，金絲雀一案鐵証如山。

關心是無價，但我理可在你面前收取像手續費，行政費，年費，會費般無稽的關心費，只要你肯俾，他們會繼續收。

Everyone, it's time for civil disobedience。